"Сәлем Қазақстаным!" тақырыптық ҰІӘ

ТАҚЫРЫБЫ: СӘЛЕМ – ҚАЗАҚСТАНЫМ!

Тақырыптық ұйымдастырылған  іс-әрекетінің мақсаты: балалардың бойында Қазақстанның өткені мен бүгінгі өмірін салыстыра отырып, өз еліміздің даму тарихы туралы танымдарын қалыптастыру;

 ұлттық сана сезімін, саяси сауаттылығын ояту;

Тәуелсіздік күні туралы мағлұмат беру;

Тәуелсіздік үшін күрескен, Желтоқсан оқиғасының құрбандарын еске түсіріп, олардың ерлігі жайында түсіндіру.

 Көрнекілік материалдар.

Қазақстан Республикасының мемлекеттік рәміздері: Туы, Елтаңбасы, Әнұраны, Астана қаласының танымал ғимараттарының суреттері.

Желтоқсан оқиғасының құрбаны болған Қайрат Рысқұлбековтің портреті,

Желтоқсан оқиғасына байланысты суреттер, «Көк тудың желбірегені» әні.

2. Үлестірмелі материалдар.

Дидактикалық корточкалар, ойындарға керекті үлестірмелі материалдар, пазлдар, бала санына қарай дайын жалаушалар.

Ұйымдастырылған іс-әрекеттің  барысы:

КІРІСПЕ БӨЛІМ

Қазақстан Республикасының әнұранын қосу.

Тәрбиеші:

– Біз тәуелсіз елдің түлегі болғанымызға шексіз қуанамыз. Біздің Отанымызды

әлем таныды. Осы сәтте Отан туралы еріксіз ойға берілесің. Бұл ұғымның аясы кең. Отан даламыз, орманымыз, тауымыз, ауылымыз бен астанамыз. Отан әр адамның киелі мекені. Тәй-тәй басқан нәресте де, еңкейген қария да оның бір мүшесі.

Олай болса балалар шаттық шеңберіне жиналайық:

Жасыл жайлау, түкті кілем, көк кілем

Көк кілемде көп аунаймын, көп күлем

Маңдайымнан сипап өткен самалды

Қазағымның алақаны-ау деп білем

Қайда жүрсем Атамекен

Көкейіңде жатады екен

Күннің өзі ұясына

Қимай оны-ай батады екен

НЕГІЗГІ БӨЛІМ

Тәрбиеші:

– Қазіргі кезде сендер ашық аспан, жарық күн сәулесі түсіп тұрған мемлекетте өмір сүріп жатырсыңдар. Қазақ халқы еркіндікке жету үшін қаншама қиын- қыстау кезеңдерді бастан кешірді. Мыңдаған жылдық тарихы бар. Ал, 1986 жылғы оқиға халықтың есінде мәңгі сақталады. 16 желтоқсанда қазақ жастары Орталық алаңға шығып, Қазақ елінің тәуелсіздігін талап етті.

Бұл күн – Қазақстан тарихында тәуелсіз Қазақстан Республикасының туған күні деп алтын әріппен жазылды. Желтоқсан – бүкіл халықтық мереке.

Шамиль

Азат елдің ұланымын,

Қазақ елдің қыранымын.

Кең жайлаудың жағасында,

Ағып жатқан бұлағымын.

Дания

Кең байтақ жерім, егем кеп,

Дұшпанның көзін көгендеп.

 Мемлекеттікті мәңгі еттік,

Шекара шебін шегендеп!

Ұлы істі бастап Елбасым,

 Халқын да қолға алғасын,

 Есілдің бойын ел қылып,

 Қазақтың тікті Ордасын!

Арсен

Дүрлігіп дүние жатқанда,

Тәуелсіздік таңы атқанда,

Азаттық деп әлемге,

Дүние дабыл қаққанда.

Көк туым тұрды желбіреп,

Қараймын жаным елжіреп.

Жар салғандай жаһанға,

«Бақытты күнің келді!» деп

Гүлсезім

Отан-халық жүрегі

 Әр кеудеде тұр ұрып.

Анаң болып күледі

Келе жатсаң жүгіріп.

Әлдейлейді әлпештеп

Жеткеніңше мұратқа

Бесік жырдай қалды есте

Отан үні құлақта.

– Балалар, біз осы тәуелсіздікке оңайлықпен қол жеткізген жоқпыз. Оның бір

көрінісі Желтоқсан оқиғасы. Желтоқсан оқиғасында ерен ерлігімен көзге

түскендер өте көп, солардың бірі – Қайрат Рысқұлбеков.

– Ол қыршынынан қиылды. Оған үлкен айып тағылды. Қайрат Рысқұлбеков

ағамыз еліміз егемендік алғаннан кейін толықтай ақталды. Оған «Халық

қаһарманы» атағы берілді.

Олай болса топқа бөлініп, ерең еңбекпен жеткен Тәуелсіз еліміздің мақтаныштарына зер салайық.

«Сәлем Қазақстан » ойыны (балалар берілген 6  тапсырмаларды орындайды)

Айлана

Сүйем сені, туған жер,

Байлық, бақыт тұнған жер

Қамбасына Отанның

Тау – тау астық құйған жер.

Сүйемм сені, туған жер,

Өнер, білім қуған жер.

Ұшу үшін ғарышқа

Тоқтар аға бел буған жер.

Малика

Шұғылалы таңымыз,

Қазақ жері- бағымыз.

Қойнауынан мөп-мөлдір,

Сусындайды жанымыз.

 Қазақ жері –сәніміз,

Мәуесі мол бағымыз,

Саясында жетілер,

Балдай бала шағымыз.

Тәрбиеші:

– 1986 жылы Алматының бас алаңына жастар жаман оймен бармаған. Олар

бейбіт жолмен тәуелсіздікке қол жеткізу үшін қатысқан. Енді міне, осы

Желтоқсан көтерілісіне қатысқан ағаларымыз бен апайларымыздың арқасында

ата-балаларымыз үш ғасырға жуық уақыт бойы армандаған тәуелсіздікке қол

жеткіздік.

– Міне, балалар, бүгінгі таңда Қазақстан тәуелсіз мемлекет. Біздің өзіміздің

туымыз, елтаңбамыз, әнұранымыз бар.

Шығармашылық жұмыс:

• Балалар, біздер мемлекеттік рәміздерімізді өте жақсы білеміз, солай ма? Олай болса біз «Туымызды» барлығымыз бірлесе отырып жасайық.

(Алдынала дайындалған қағаз жолақшаларынан шынжыр жасау ұсынылады да, шынжырлар таяқшаларға тізіліп, күннің көзі, қыран, ою жабыстырады.)

ҚОРЫТЫНДЫ

– Балалар, сендер Отанымыздың ұрпақтарысыңдар. Жақсы оқып, үлгілі, тәртіпті

болыңдар. Өз елің мен жеріңді көркейтіп, Қазақстанның намысын қорғайтын

келешек ұрпақтың ақылшысы, тірегі сендер болмақсыңдар.

«Көк тудың желбірегені» әнін тыңдау.

Педагог әр баланың қолына жалауша береді.